البنتين اللى فى الصورة دول "امل وياسمين" كانوا بيدردشوا مع بعض فى المترو وبيشكوا حالهم لبعض وبيحكوا لبعض عن معاناتهم مع غلاء الاسعار وقد ايه هما مش قادرين على الحياة بالشكل ده.... قام راح مواطن شريف بلغ عنهم انهم بيكرهوا سيادة الرئيس الفريق المنقذ اللواء مهيب الركن المشير (عبفتاح السيسي) حضرت فوراً قوات داخلية السيسي وخدتهم على قسم شرطة السيسى وطبعا بعد شوية ضرب على اهانات على تحرش جماعى فى الحجز بتاع الرئيس السيسى اتلفق لهم شوية تهم واتعمل لهم قضية بتهمتين مشتركتين وبعد كده راحوا لنيابة السيسى فالنيابة طبعا مكدبتش خبر وفضلت تديلهم تجديد فى تجديد وفى النهاية راحوا لاعلى سلطة فى البلد "القضاء" وبرضو طلع القضاء بتاع السيسى !! ما علينا.... المهم القضاء وبعيدها تانى اهوه قضاء السيسى ادالهم 3سنين سجن.
ملحوظة: البنات دى فى ايد غير امينة اطلاقاً وممكن فى اى لحظة يتعرضوا لاغتصاب جماعى من شوية الكلاب المسعورين اللى فى داخلية السيسى دا غير طبعاً ان كده مستقبلهم ضاع ولو اتقدموا لاى وظيفة هيترفضوا طبعاً لان عندهم سابقة.
ولو واحد فكر يتجوز واحدة فيهم هيفكر مليون مرة لان الناس هتقول عليه بيتجوز واحدة رد سجون واول من هيقول كده هما اهله نفسهم.
الخلاصة: هو دا وضع البنات دلوقتى فى بلدى "بلد الامن والامان
22 سنة مؤسس مدونة مبدعي التصميم انشأت مدونة مبدعي التصميم سنة 2015 يقتصر عملي على الدعم وتقديم الشروحات المجانية على المدونة